Octavio dos Leitoes, Ventosa de Bairro

Que atopásemos este restaurante perdido no medio da "nada" foi froito da casualidade. Durante unha viaxe relámpago a Portugal decidimos sair comer antes de Coimbra, e na guía de tascas de Mafalda César aparecía un restaurante chamado Nova Casa dos Leitoes en Anadía, na saída de Mealhada. Para alí nos dirixiamos cando a copiloto viu un cartel anunciando este restaurante. Escollimos este camiño e cruzamos un par de pequenos pobos portugueses ata chegar a Octávios dos Leitões. Un restaurante moi animado, cunha sala grande, moi concurrido para ser un día de semana (6ª feira ao almoÇo) Despois das entradiñas comimos o bacalhau, as costeletas de porco

e, por suposto, o Leiton asado.

Este último foi a miña elección. Coma sempre os acompañamentos moi ben, e o leiton delicioso, sabroso e tenro á vez. Un acerto. Para beber nos decantamos pola cervexa, que só tiñan en garrafa pequena (20cl) unha mágoa.
O restaurante ten parquin propio e na parte de abaixo unha carpa onde deben facer bodas, e un par de randeeiras que Antía disfrutou.